Saturday, May 16, 2009

ചരിത്രം അവസാനിക്കുന്നില്ല



ലോകസഭാ തെരഞ്ഞെടുപ്പിൽ ഇടത് പക്ഷത്തിന് തിരിച്ചടി ഉണ്ടായി.

ഈ തിരിച്ചടി ഇന്ത്യയിലെ ഇടത്പക്ഷം അംഗീകരിക്കുന്നു. ഇതിനുള്ള കാരണങ്ങൾ അനേകങ്ങളാണ്. കാരണങ്ങളുടെ സാംഗത്യവും അതിന്റെ ശാസ്ത്രീയതയും എല്ലാം ഇടതുപക്ഷത്തിന് ബോദ്ധ്യപ്പെട്ടിട്ടുണ്ട്. ലെനിൻ പറഞ്ഞ ഒരു കാര്യം ഓർമ്മയിൽ വരുന്നു

“തോൽ‌വി അംഗീകരിക്കുക ,തോൽ‌വിയിൽ നിന്നും പഠിക്കുക”

തീർച്ചയായും തോൽ‌വി അംഗീകരിക്കുന്നു. ഒപ്പം (ഏത് മാർഗ്ഗത്തിലൂടെയാണെങ്കിലും )ജനസമ്മിതി നേടിയ ഇന്ത്യൻ നാ‍ഷണൽ കോൺഗ്രസ്സിനെ അനുമോദിക്കുന്നു. തോൽ‌വിയിൽ നിന്നും പുത്തൻ പാഠങ്ങൾ ഉൾക്കൊള്ളും എന്ന് ഉറക്കെ പ്രഖ്യാപിക്കുന്നു.

ഐക്യമുന്നണിയെ വിജയിപ്പിക്കാൻ നിർണ്ണായക പങ്ക് വഹിച്ച,പക്ഷപാതപരമായ സമീപനങ്ങൾ സ്വീകരിച്ച കേരളത്തിലെ മാദ്ധ്യമങ്ങൾക്ക് ഒരു ചിയേർസ്

ജനതയുടെ വിധിയാണ് പ്രധാനം.

ജനതയുടെ വിധിക്ക് മുൻപിൽ ശാസ്ത്രീയതയ്ക്കും പ്രോലിറ്റേറിയനിസത്തിനും പുരോഗമന ചിന്തകൾക്കും എന്ത് സ്ഥാനമാണുള്ളത്? ജനതയാണ് വിധികർത്താക്കൾ.. അവരുടെ തീരുമാനത്തിനു മുൻപിൽ പ്രണാമം

ചരിത്രം ഇന്നേ കൊണ്ട് അവസാനിക്കുന്നില്ല(കാരണം അത് ഇന്നലെ അല്ലല്ലൊ തുടങ്ങിയത്)

ജയപരാജയങ്ങൾ പ്രായോഗിക രാഷ്ട്രീയത്തിൽ തികച്ചും സ്വാഭാവികം തന്നെ.

സ്ഥിതിസമത്വത്തിനും, തൊഴിലാളിവർഗ്ഗത്തിന്റേയും സാധാരണക്കാരന്റേയും ഉന്നമനത്തിനും വേണ്ടി ഇന്ത്യയിലെ ഇടതുപക്ഷം എന്നും നിലകൊള്ളും എന്ന് ഒരിക്കൽ കൂടെ ഉറക്കെ പറയുന്നു.

എല്ലാ പരാജയങ്ങളും ഒരു വലിയ വിജയത്തിലേക്കുള്ള ചവിട്ട് പടിയാണെന്ന പഴയ മൊഴി വീണ്ടും ആവർത്തിക്കുന്നു.

ഈ പ്രതികൂല സാഹചര്യത്തിലും വിജയിച്ച സ:എം ബി രാജേഷും:പി കെ ബിജുവും പ്രത്യേകം അഭിനന്ദനം അർഹിക്കുന്നു

അതോടപ്പൊം ജയിക്കാനായി മാത്രം ജനിച്ച സ: പി കരുണാകരനും സ:സമ്പത്തിനും നൂറ് ചുവപ്പൻ അഭിവാദ്യങ്ങൾ

ഞങ്ങൾ ഇവിടെ തന്നെ ഉണ്ടാകും..

പഴി പറയുന്നവർക്കും ചതിച്ചവർക്കും പരിഹസിച്ചു ചിരിക്കുന്നവർക്കും അകലങ്ങളിൽ ഇരുന്ന് ആശ്വസിക്കുന്നവർക്കും നല്ല നമസ്കാരം...

ഇത്രയും കനത്ത ബാഹ്യ പ്രേരണകൾക്കിടയിലും ഇടതു പക്ഷത്തിനു വോട്ട് ചെയ്ത പ്രബുദ്ധരായ ഇന്ത്യൻ വോട്ടർക്ക് ഊഷ്മളാലിംഗനം.. ഒരുപാട് നന്ദി,സ്നേഹം...

അഭിവാദനങ്ങൾ

1 comment:

  1. ഇത്രയൊക്കയെ പറയാനൊള്ളു

    ReplyDelete